கழக பொதுச்செயலாளர் தியாகத்தலைவி சின்னம்மா பிறந்ததினவிழாவையொட்டி பல்வேறு கோவில்களில் சிறப்பு வழிபாடுகள் நடத்தி பொதுமக்கள், பக்தர்களுக்கு இனிப்பு வழங்கப்பட்டது.

நாமக்கல் நகர அம்மா மக்‍கள் முன்னேற்றக்‍கழகம் சார்பிலும், வெண்ணந்தூர் ஒன்றியக்‍ கழகம் சார்பிலும் கழக பொதுச்செயலாளர் தியாகத்தலைவி சின்னம்மா பிறந்த தினவிழாவை யொட்டி, புகழ்பெற்ற நாமக்கல் ஆஞ்சநேயர் கோவிலில் நடைபெற்ற வழிபாட்டில் கழக அவைத்தலைவர் எஸ்.அன்பழகன் தலைமையில் ஆஞ்சநேயருக்கு, பல்வேறு வாசனை திரவிய பொருட்களை கொண்டு சிறப்பு அபிஷேகம் நடத்தப்பட்டு, பின்னர் பக்தர்களுக்கு அன்னதானம் வழங்கப்பட்டது. இதில் திரளான கழக நிர்வாகிகள் பங்கேற்றனர்.

கழக பொதுச்செயலாளர் தியாகத்தலைவி சின்னம்மா பிறந்தநாளை முன்னிட்டு, நெல்லை மாநகர் மாவட்டக்‍ கழகம் சார்பில் நெல்லை சந்திப்பு மணிமூர்த்திஸ்வரம் உச்சிஷ்ட விநாயகர் கோவிலில், பொதுக்குழு உறுப்பினர் திருமதி தமிழ்செல்வி, மாநகர் மாவட்ட கழக பொருளாளர் பால்கண்ணன், தச்சை பகுதி செயலாளர் பேச்சிமுத்து உள்பட பலர் கலந்துக்கொண்டார்.