உலக நன்மைக்காகவும், மழை பெய்ய வேண்டியும், பொன்னமராவதி ஸ்ரீ சூலப் பிடாரி அம்மன் கோவிலில், 2008 விளக்குகளை கொண்டு பூஜை நடத்தி வழிபாடு மேற்கொள்ளப்பட்டது.

புதுக்கோட்டை மாவட்டம் பொன்னமராவதி அருகே உள்ள வாருப்பட்டியில் புகழ்பெற்ற ஸ்ரீ சூலப்பிடாரி அம்மன் ஆலயம் அமைந்துள்ளது. இவ்வாலயத்தில் தற்போது ஆடித்திருவிழா நடைபெற்று வருகிறது. இதனையொட்டி, உலக அமைதிக்காவும், மழை பெய்ய வேண்டியும் 2008 திருவிளக்குப் பூஜைகள் நடத்தப்பட்டன. இதில் ஆயிரக்கணக்கான பெண்கள் பங்கேற்றனர். மேலும், பல்வேறு பகுதிகளிலிருந்தும் திரளானப் பக்தர்கள் கலந்துகொண்டு அம்மனை வழிபட்டனர்.

மகா மக பெருவிழாவையொட்டி, கும்பகோணம் ராமசாமி ஆலயத்தில் பந்தல்கால் நடும் நிகழ்ச்சி நடைபெற்றது. பால், மஞ்சள் உள்ளிட்டவற்றால் அபிஷேகம் செய்யப்பட்டு, ஊர்வலமாக ஆலயத்திற்கு எடுத்துவரப்பட்டு, பிரதிஷ்டை செய்யப்பட்டது. இதில், ஏராளமான பக்தர்கள் கலந்துகொண்டனர்.

இதனிடையே, புதுச்சேரி லாஸ்பேட்டையில் உள்ள ஸ்ரீசெல்வமுத்து மாரியம்மன் ஆலயத்தின் 17-வது ஆண்டு சடல் திருவிழாவின் ஒருபகுதியாக, ஊஞ்சல் உற்சவம் நடைபெற்றது. இந்நிகழ்ச்சியில் ஏராளமானோர் கலந்துகொண்டு, சுவாமி தரிசனம் செய்தனர்.