புதுக்கோட்டை அருகே கோவில் கலசம் கொள்ளை -100 பவுன் நகைகளும் மாயமானதால் அரசு நடவடிக்கை வேண்டி பக்தர்கள் வலியுறுத்தல்
Jul 19 2021 10:41AM
எழுத்தின் அளவு:
அ +
அ -
அ
புதுக்கோட்டை மாவட்டம் அறந்தாங்கியில், கோயில் கலசம் கொள்ளையடிக்கப்பட்டதுடன், அம்மனின் 100 சவரன் நகைகள் மாயமானதால் பக்தர்கள் அதிர்ச்சியடைந்தனர்.
அறந்தாங்கி கீழ்காத்தி வீரமங்கலத்தில், இந்து சமய அறநிலையத்துறை கட்டுப்பாட்டில் உள்ள அருள்மிகு காதமறவர் கோயிலில், காளியம்மன், ஐய்யனார், கருப்பர் உள்ளிட்ட பரிவார தெய்வங்கள் உள்ளன. 15 ஏக்கர் பரப்பில் அமைந்துள்ள இக்கோயிலில் அம்மனுக்கு 100 பவுன் நகைகள் இருந்தன. தற்போது அங்கு பெட்டி மட்டுமே உள்ளது. கோயில் சிதிலமடைந்து வரும் நிலையில் இருப்பதுடன், கோயில் கலசம் பல நாட்களாக காணவில்லை. பக்தர்களுக்கு குடிநீர் உட்பட எந்தவித அடிப்படை வசதிகளும் இல்லை. எனினும், உண்டியல் பணம், கால்நடைகள், தற்காலிக கடைகள் ஏலத்தொகையை மட்டும் அறநிலையத்துறை வசம் செல்கிறது. கோயில் கலசம் மற்றும் அம்மன் நகைகள் மாயமானதால், அதுகுறித்து நடவடிக்கை எடுக்க பக்தர்கள் கோரிக்கை விடுத்துள்ளனர்.