மதுரை சித்திரை திருவிழாவின்போது கள்ளழகர் ஆற்றில் இறங்க அனுமதிக்க கோரிய வழக்கு - கொரோனா தொற்று பரவல் காரணமாக மனுவை தள்ளுபடி செய்தது உயர்நீதிமன்ற மதுரைக்கிளை
Apr 19 2021 1:35PM
எழுத்தின் அளவு:
அ +
அ -
அ
கொரோனா பரவல் காரணமாக, கள்ளழகர் வைகை ஆற்றில் எழுந்தருளும் நிகழ்ச்சியை நடத்த அனுமதிக்க முடியாது என உயர்நீதிமன்றக் மதுரைக் கிளை உத்தரவிட்டுள்ளது. மதுரையைச் சேர்ந்த அருண் போத்திராஜ் தொடர்ந்த பொதுநல வழக்கில், கொரோனா பரவலால், திருவிழாக்களுக்கு தடை விதித்துள்ள நிலையில், பக்தர்களின்றி அழகர் வைகை ஆற்றில் எழுந்தருளும் திருவிழாவுக்கு அனுமதி அளிக்க வேண்டும் என கோரிக்கை விடுத்தார். இதனை விசாரித்த நீதிபதிகள் சிவஞானம், ஆனந்தி ஆகியோர் அடங்கிய அமர்வு, கொரோனா பரவல் மிகத் தீவிரமடைந்துவரும் சூழலில், கட்டுப்பாடுகள் மேலும் அதிகப்படுத்தப்படலாம் என்பதால், அழகர் ஆற்றில் இறங்கும் விழாவிற்கு அனுமதி வழங்க இயலாது எனக்கூறி வழக்கை தள்ளுபடி செய்து உத்தரவிட்டனர்.