இலங்கையின் 8-வது அதிபராக கோத்தபய ராஜபக்ச இன்று பதவியேற்க உள்ளார்.

அண்டை நாடான இலங்கையில், புதிய அதிபரை தேர்ந்தெடுப்பதற்கான வாக்குப்பதிவு நேற்று முன்தினம் நடைபெற்றது. பொதுஜன பெரமுனா கட்சி சார்பில், மஹிந்தா ராஜபக்சேவின் சகோதரர் கோத்தபய ராஜபக்சேவுக்கும், ஆளும் ஐக்கிய தேசியக் கட்சியின் சார்பில், முன்னாள் அதிபர் பிரேமதாசாவின் மகன் சஜித் பிரேமதாசாவுக்கும் இடையே இந்தத் தேர்தலில் கடும் போட்டி நிலவியது.

வாக்கு எண்ணிக்‍கை தொடங்கியதில் இருந்தே முன்னிலையில் இருந்த கோத்தபய ராஜபக்சே, 13 லட்சத்து 60 ஆயிரத்து 16 வாக்குகள் வித்தியாசத்தில் வெற்றி பெற்றதாக, அந்நாட்டு தேர்தல் ஆணையம் அதிகாரபூர்வமாக அறிவித்துள்ளது. இலங்கையின் புதிய அதிபராக கோத்தபய ராஜபக்சே இன்று பதவியேற்கிறார். இதையயொட்டி, பதவியேற்பு நிகழ்ச்சிக்கான ஏற்பாடுகள் மும்முரமாக நடைபெற்று வருகின்றன. இலங்கை அதிபர் தேர்தலில் வெற்றி பெற்றுள்ள கோத்தபய ராஜபக்‍சேவுக்கு, பிரதமர் திரு. நரேந்திர மோடி உள்ளிட்ட வெளிநாட்டு தலைவர்கள் வாழ்த்து தெரிவித்தனர்.