ஊழல் புகாரில் சிக்கிய பாகிஸ்தான் முன்னாள் பிரதமர் நவாஸ் ஷெரிப் மற்றும் அவரது மகள் மரியம் ஆகியோரின் சிறைத் தண்டனை நிறுத்தி வைக்கப்பட்டுள்ளது. அவர்களை விடுதலை செய்ய இஸ்லாமாபாத் உயர் நீதிமன்றம் உத்தரவிட்டுள்ளது.

பாகிஸ்தான் நாட்டின் முன்னாள் பிரதமராக இருந்த நவாஸ் ஷெரிஃப், பனாமா கேட் ஊழல் உள்ளிட்ட பல்வேறு வழக்குகளில் சிக்கினார். அவரது பிரதமர் பதவியை பறித்த அந்நாட்டு உச்சநீதிமன்றம், ஷெரிஃபிற்கு 10 ஆண்டுகள் சிறை தண்டனை விதித்தது. இதேபோல் அவரது மகள் மரியம் நவாசுக்கு, 7 ஆண்டுகள், மருமகன் சப்தாருக்கு 1 ஆண்டு சிறைத் தண்டனை விதிக்கப்பட்டது. மூவரும் அடியலா சிறையில் அடைக்கப்பட்டனர்.

சிறை தண்டனைக்கு எதிராக இஸ்லாமாபாத் நீதிமன்றத்தில் மேல்முறையீடு செய்யப்பட்டது. இந்த வழக்கு மீதான விசாரணை நடைபெற்ற போது, நவாஸ் ஷெரிப், மரியம் மற்றும் முன்னாள் ராணுவ கேப்டன் சப்தார் ஆகியோரின் சிறைத் தண்டனையை நீதிமன்றம் நிறுத்தி வைக்கப்பட்டுள்ளது. அவர்களை விடுதலை செய்யவும் இஸ்லாமாபாத் உயர் நீதிமன்றம் உத்தரவிட்டுள்ளது.