ஈராக்கில் 12 வயது சிறுவன் நடத்தவிருந்த தற்கொலைப்படை தாக்குதலை போலீசார் முறியடிப்பு : சிறுவனின் உடலில் கட்டப்பட்டிருந்த வெடிகுண்டு செயலிழக்க செய்யப்பட்டது
Aug 24 2016 7:41AM
எழுத்தின் அளவு:
அ +
அ -
அ
ஈராக்கில் 12 வயது சிறுவன் நடத்தவிருந்த தற்கொலைப்படை தாக்குதலை போலீசார் முறியடித்துள்ளனர். சிறுவனின் உடலில் கட்டப்பட்டிருந்த வெடிகுண்டும் அகற்றப்பட்டு, செயலிழக்க செய்யப்பட்டது.
ஈராக், சிரியா உள்ளிட்ட நாடுகளில் ஆதிக்கம் செலுத்தி வரும் ஐ.எஸ் தீவிரவாதிகள், சிறுவர்களை கடத்தி சென்று மனித வெடிகுண்டுகளாக பயன்படுத்தி வருகின்றனர். இந்நிலையில், ஈராக்கின் கிர்குக் நகரில் தாக்குதல் நடத்த வந்த தற்கொலை படையை சேர்ந்த 12 வயது சிறுவன் போலீசாரிடம் சிக்கினான். சந்தேகப்படும் வகையில் சுற்றித்திரிந்த அச்சிறுவனிடம் விசாரணை நடத்திய போலீசார், அவன் தற்கொலைப்படை தாக்குதல் நடத்த வந்திருப்பதை கண்டுபிடித்தனர். பின்னர், அவன் உடலில் அணிந்திருந்த வெடிகுண்டு மற்றும் தாக்குதல் நடத்த பயன்படுத்தும் உடை ஆகியவற்றை அகற்றி, அவற்றை செயலிழக்கச் செய்தனர். இதன்மூலம் அச்சிறுவன் நடத்தவிருந்த தற்கொலை தாக்குதல் முறியடிக்கப்பட்டது.