பிரசிலில் கார்னிவல் எனப்படும் வருடாந்திர கேளிக்கை திருவிழாவில் பிரம்மாண்ட அணிவகுப்பு நடைபெற்றது. இதில், முதலிடத்தை பிடித்த பள்ளிக்கு சம்பா நடனப் பள்ளிக்கு சாம்பியன் பட்டம் வழங்கப்பட்டது.

Brazil நாட்டின் ரியோடி ஜெனிரோ நகரில் இந்த ஆண்டின் வருடாந்திர திருவிழாவையொட்டி, பாரம்பரிய சம்பா நடனம் வழக்கமான உற்சாகத்துடன் நடைபெற்றது. அங்குள்ள சம்பா நடன பள்ளிகள் சார்பில் கிரேக்க இதிகாச கடவுள் வாகனம் மற்றும் ஒலிம்பிக் போட்டிகள் ஆகியவற்றை குறிப்பிடும் வகையில், அலங்கார ஊர்திகளும், நடன நிகழ்ச்சிகளும் நடத்தப்பட்டன. இரவு முழுவதும் நடைபெற்ற பாடல், ஆடல் ஊர்வலத்தை லட்சக்கணக்கான மக்கள் கண்டுகளித்தனர். சுற்றுச்சூழலுக்கு ஆதரவாக மிதிவண்டிகளை பயன்படுத்துதல், பசுமைக் காடுகளை பாதுகாத்தல் உள்ளிட்ட நோக்கங்களை வெளிப்படுத்தும் அலங்கார ஊர்திகளும், நடன நிகழ்ச்சிகளும் பார்வையாளர்களை பெரிதும் கவர்ந்தன.

இந்த பேரணியில் 12 சம்பா நடன சங்கம் சார்பில் 70 ஆயிரம் பேர் கலந்து கொண்டனர். பிரசிலின் கிராமிய விருதுக்கு பரிந்துரைக்கப்பட்ட Catenao Velosoவின் தலைமையில் நடைபெற்ற சம்பா நடன பேரணியில் Magueria பள்ளி அணி 19வது முறையாக சாம்பியன் பட்டத்தை வென்றது. இதற்கான அறிவிப்பை வெளியிட்டதுடன் போட்டியாளர்கள் ஆரவாரம் செய்து மகிழ்ச்சியை வெளிப்படுத்தினர்.