கலிஃபோர்னியாவில் மீண்டும் பற்றி எரியும் காட்டுத் தீ - அணைக்கப் போராடும் வீரர்கள்
Jan 23 2022 4:00PM
எழுத்தின் அளவு:
அ +
அ -
அ
அமெரிக்காவின் கலிபோர்னியா மாகாணத்தில் உள்ள கடலோரப்பகுதியான Big Sur-ல் எரிந்து வரும் காட்டுத்தீயால், ஆயிரத்துக்கும் மேற்பட்ட வனப்பகுதிகள் தீக்கிரையாகின.
அமெரிக்காவின் கலிபோர்னியா மாகாணத்தில் பசுபிக் கடல்பகுதியை ஒட்டியுள்ள Big Sur கவுன்டியில், பயங்கர காட்டுத்தீ ஏற்பட்டது. 21-ம் தேதி இரவு பற்றிய காட்டுத்தீ, ஆயிரத்துக்கும் மேற்பட்ட ஏக்கர் வனப்பகுதிகளுக்கும் பரவி வருகிறது. இதனால் Big Sur கவுன்டியில் இருந்து ஆயிரத்து 100-க்கும் மேற்பட்ட மக்கள் பாதுகாப்பான பகுதிக்கு இடமாற்றம் செய்யப்பட்டனர். நெடுஞ்சாலையில் இருபுறங்களில் காட்டுத்தீ வேகமாக பரவியதால், முன்னெச்சரிக்கை நடவடிக்கையாக நெடுஞ்சாலை மூடப்பட்டுள்ளது. இந்த காட்டுத்தீயில் சுமார் ஆயிரத்து 500 ஏக்கர் வனப்பகுதிகள் தீக்கிரையாகியுள்ளதாக தகவல் வெளியாகியுள்ளது. தீயை அணைக்கும் பணியில் தீயணைப்பு வீரர்கள் தீவிரமாக ஈடுபட்டு வருகின்றனர்.