வரும் குளிர்காலத்தில் கொரோனா வைரஸ் புதுவிதமாக உருமாற வாய்ப்பு - பிரான்ஸ் விஞ்ஞான குழு தகவல்
Jul 24 2021 2:53PM
எழுத்தின் அளவு:
அ +
அ -
அ
வரும் குளிர்காலத்தில் கொரோனா வைரஸ் புதுவிதமாக உருமாற வாய்ப்புள்ளதாக பிரான்ஸ் நாட்டின் விஞ்ஞான குழு தெரிவித்துள்ளது.
உருமாறிய டெல்டா கொரோனா பல்வேறு நாடுகளுக்கு பரவியுள்ள சூழலில், இந்த வைரஸ் மேலும் எவ்வாறெல்லாம் உருமாறும் என்று விஞ்ஞானிகள் பரிசோதனை மேற்கொண்டு வருகின்றனர். இந்நிலையில், ஃபிரான்சில் செய்தியாளர்களை சந்தித்த அந்நாட்டின் விஞ்ஞான குழுத் தலைவர் ஜீன் பிரான்காய்ஸ், வரும் குளிர்காலத்தில் கொரோனா புதுவிதமாக உருமாற வாய்ப்புள்ளதாகத் தெரிவித்தார். இது தற்போதுள்ள ரகத்தைக் காட்டிலும் அபாயகரமானதா? அல்லது மிதமான பாதிப்பு உடையதா? என இன்னும் சரியாக கணிக்க முடியவில்லை என்று கூறினார். வரவிருக்கும் ஆண்டுகளில் உலகம் சந்திக்கும் மிகப்பெரிய சவாலாக தடுப்பூசி பற்றாக்குறை இருக்கும் என்றும் குறிப்பிட்டார்.