உலக சுகாதார அமைப்பிலிருந்து வெளியேற முடிவு : அமெரிக்க அதிபரின் முடிவுக்கு வலுக்கும் எதிர்ப்பு
Jul 8 2020 3:26PM
எழுத்தின் அளவு:
அ +
அ -
அ
உலக சுகாதார அமைப்பிலிருந்து அதிகாரப்பூர்வமாக வெளியேற அமெரிக்கா முடிவெடுத்துள்ளதற்கு உலகம் முழுவதும் எதிர்ப்பு கிளம்பியுள்ளது.
கொரோனா வைரஸ் நோய் குறித்த நடவடிக்கைகளில் சீனாவுக்கு ஆதரவாக உலக சுகாதார அமைப்பு செயல்பட்டுவருவதாக ஏற்கெனவே அமெரிக்க அதிபர் டொனால்ட் ட்ரம்ப் குற்றஞ்சுமத்தியிருந்தார். இதையடுத்து, அந்த அமைப்புக்கு அளிக்கப்படும் நிதி உதவியையும் அவர் நிறுத்தினார். இந்நிலையில், அந்த அமைப்பிலிருந்து அதிகாரப்பூர்வமாக வெளியேற ட்ரம்ப் முடிவெடுத்துள்ளார். இதற்கு அமெரிக்காவிலேயே மிகுந்த எதிர்ப்பு கிளம்பியுள்ளது. இது குறித்து சமூக வலைதளங்களில் பதிவிட்டுள்ள ஜனநாயகக் கட்சியின் அதிபர் வேட்பாளர் ஜோ பிடன், தாம் அதிபராகப் பதவியேற்றால், முதல் நாளிலேயே மீண்டும் உலக சுகாதார அமைப்பில் மீண்டும் அமெரிக்கா உறுப்பினராகும் என தெரிவித்துள்ளார். இதற்கிடையே, அமெரிக்காவின் இந்த முடிவு தவறான முன்னுதாரணமாகிவிடும் என பல்வேறு நாடுகள் விமர்சித்துள்ளன.