உலக புகழ்பெற்ற "கிராமி விருதுகள்" வழங்கும் விழா அமெரிக்காவில் நடைபெற்றது.

ஒவ்வொரு ஆண்டும், சர்வதேச அளவில் இசைத்துறையில் சிறந்து விளங்கும் இசைக்கலைஞர்களுக்கு கிராமி விருதுகள் வழங்கப்பட்டு வருகின்றன. அதன்படி, 62-வது கிராமி விருது வழங்கும் விழா அமெரிக்காவின் லாஸ் ஏஞ்சல்ஸ் நகரில் நடைபெற்றது. விழாவின் தொடக்கத்தில், ஹெலிகாப்டர் விபத்தில் உயிரிழந்த கூடைப்பந்தாட்ட வீரர் கோப் பிரயன்ட்டுக்கு இசைக் கலைஞர்கள் சார்பில் அஞ்சலி செலுத்தப்பட்டது.

இந்த விழாவில், 18 வயதான பாப் சிங்கர் பில்லி எல்லிஷ், ஆண்டின் சிறந்த குரல், சிறந்த பாடல், சிறந்த ஆல்பம் உள்ளிட்ட 5 விருதுகளை தட்டிச் சென்றார். லிசோ என்பவர், 3 பிரிவுகளில் கிராமி விருதுகளை வென்றுள்ளார்.

முன்னாள் அமெரிக்க அதிபர் ஒபாமாவின் மனைவி மிச்செல் ஒபாமாவுக்கு, "Best spoken word album" விருது வழங்கப்பட்டது. "Becoming" என்ற பெயரில் தனது சுயசரிதையை ஆல்பமாக வெளியிட்டதற்காக இந்த விருது வழங்கப்பட்டுள்ளது. குழந்தைகளுக்கான சிறந்த ஆல்பம் என்ற விருது, ஜான் சாம்சன் என்பவருக்கு வழங்கப்பட்டது. சிறந்த ராப் ஆல்பம் விருது Igor என்பவருக்கு வழங்கப்பட்டது. சிறந்த ராப் பாடல் விருது, J. Cole-க்கு வழங்கப்பட்டது. Dave Chapelle என்பவர் சிறந்த நகைச்சுவை ஆல்பத்துக்கான விருதை பெற்றார். சிறந்த லத்தீன் பாப் ஆல்பம் விருது, Alejandro Sanz என்பவருக்கு வழங்கப்பட்டது.