கால்பந்து ரசிகர்கள் ஆவலுடன் எதிர்நோக்கியுள்ள யூரோ கோப்பை கால்பந்து தொடரின் நாக்-அவுட் சுற்று ஆட்டங்கள் இன்று தொடங்குகின்றன. முதல் ஆட்டத்தில், சுவிட்சர்லாந்து அணி, போலந்து அணியை எதிர்கொள்கிறது.

15-வது யூரோ கோப்பை கால்பந்து தொடர், கடந்த 10-ம் தேதி ஃபிரான்ஸ் தலைநகர் பாரீசில் தொடங்கி நடைபெற்று வருகிறது. நடப்பு சாம்பியன் ஸ்பெயின், பெல்ஜியம், போர்ச்சுக்கல் உட்பட 24 அணிகள், 6 பிரிவுகளாக பிரிக்கப்பட்டு லீக் சுற்று ஆட்டங்களில் பங்கேற்றன. மிகவும் விறுவிறுப்பாக நடைபெற்ற இந்த ஆட்டங்களின் முடிவில், ஃபிரான்ஸ், சுவிட்சர்லாந்து, ஸ்பெயின், பெல்ஜியம், போர்ச்சுக்கல் உட்பட 16 அணிகள் சூப்பர்-16 எனப்படும் நாக்அவுட் சுற்றுக்கு தகுதி பெற்றன. ஒருநாள் ஓய்வுக்குப் பின்னர், நாக்-அவுட் சுற்று ஆட்டங்கள் இன்று தொடங்குகின்றன. இன்று மாலை நடைபெறும் முதல் ஆட்டத்தில், சுவிட்சர்லாந்து - போலந்து அணிகள் மோதுகின்றன. பாரீசில் நடைபெறும் மற்றொரு ஆட்டத்தில், வடக்கு அயர்லாந்து அணி, Wales அணியை எதிர்கொள்கிறது. நாக்அவுட் சுற்றில் தோல்வியடையும் அணிகள், யூரோ கோப்பையிலிருந்து வெளியேறும் என்பதால் இப்போட்டிகள் ரசிகர்களிடையே மிகுந்த எதிர்பார்ப்பை ஏற்படுத்தியுள்ளன.