இந்திய மகளிர் கிரிக்கெட் அணிக்கு எதிரான 2வது டி20 கிரிக்கெட் போட்டியில் ஆஸ்திரேலிய மகளிர் அணி அபார வெற்றி : ஆஸ்திரேலிய மகளிர் அணி, 4 விக்கெட் இழப்பிற்கு 133 ரன்கள் எடுத்து வெற்றி பெற்றது
Jan 8 2024 11:46AM
எழுத்தின் அளவு:
அ +
அ -
அ
இந்திய மகளிர் கிரிக்கெட் அணிக்கு எதிரான 2வது டி20 கிரிக்கெட் போட்டியில் ஆஸ்திரேலிய மகளிர் அணி அபார வெற்றி பெற்றது. அலிசா ஹீலி தலைமையிலான ஆஸ்திரேலிய மகளிர் கிரிக்கெட் அணி இந்தியாவில் சுற்றுப் பயணம் செய்து விளையாடி வருகிறது. இந்த நிலையில், இந்தியா - ஆஸ்திரேலியா மகளிர் அணிகளுக்கு இடையேயான 2வது டி20 கிரிக்கெட் போட்டி நவி மும்பையில் நடைபெற்றது. இதில் டாஸ் வென்ற ஆஸ்திரேலிய மகளிர் அணி முதலில் பந்துவீசுவதாக அறிவித்தது. இதையடுத்து, களமிறங்கிய இந்திய மகளிர் அணி 20 ஓவர்கள் முடிவில் 8 விக்கெட் இழப்புக்கு 130 ரன்கள் எடுத்தது. இதை அடுத்து, 131 ரன்கள் எடுத்தால் வெற்றி என்ற இலக்குடன் களமிறங்கிய ஆஸ்திரேலிய மகளிர் அணி, 19 ஓவரில் 4 விக்கெட் இழப்பிற்கு 133 ரன்கள் எடுத்து வெற்றி பெற்றது.