நாளை தொடங்குகிறது தென் ஆப்பிரிக்காவுக்கு எதிரான 20 ஓவர் தொடர் - காயம் காரணமாக தீபக் ஹூடா விலகல்
Sep 27 2022 7:16AM
எழுத்தின் அளவு:
அ +
அ -
அ
தென் ஆப்பிரிக்காவுக்கு எதிரான 20 ஓவர் தொடரில் காயம் காரணமாக தீபக் ஹூடா விலகியுள்ளார்.
இந்தியாவில் சுற்றுப்பயணம் மேற்கொண்டுள்ள தென் ஆப்பிரிக்கா அணி இந்தியாவுடன் 3 போட்டிகள் கொண்ட 20 ஓவர் தொடர் மற்றும் ஒருநாள் தொடரில் பங்கேற்க உள்ளது. தென் ஆப்பிரிக்கா உடனான 20 ஓவர் தொடரில் முதல் போட்டி திருவனந்தபுரத்தில் நாளை நடைபெற உள்ளது.
2-வது 20 ஓவர் போட்டி அக்டோபர் 2ம் தேதி கவுகாத்தியிலும், 3-வது 20 ஓவர் போட்டி அக்டோபர் 4-ம் தேதி இந்தூரிலும் நடைபெறுகிறது. இதைத் தொடர்ந்து 3 போட்டிகள் கொண்ட ஒருநாள் தொடர் நடைபெறுகிறது. இந்நிலையில், தென் ஆப்பிரிக்காவுக்கு எதிரான 20 ஓவர் தொடரில் காயம் காரணமாக தீபக் ஹூடா விலகியுள்ளார். அவருக்கு பதிலாக ஷ்ரேயஸ் அய்யர் இடம் பெற்றுள்ளார். இதேபோல், ஹர்திக் பாண்ட்யாவுக்கு பதிலாக ஷபாஸ் அகமது சேர்க்கப்பட்டுள்ளார் என பிசிசிஐ தெரிவித்துள்ளது.