ஒலிம்பிக் மகளிர் கால்பந்து போட்டியின் லீக் ஆட்டத்தில், உலக சாம்பியன் அமெரிக்கா, 3 கோல் வித்தியாசத்தில் ஸ்வீடனிடம் அதிர்ச்சி தோல்வியடைந்தது.

டோக்கியோ ஒலிம்பிக் போட்டி நாளை தொடங்க உள்ள நிலையில் பேஸ்பால், கால்பந்து போட்டிகள் நேற்றே தொடங்கி விட்டன. இதில் அதிகம் எதிர்பார்ப்பை ஏற்படுத்திய மகளிர் கால்பந்து போட்டியில், "G" பிரிவுக்‍கன ஆட்டத்தில், ஃபிபா மகளிர் உலக கோப்பை நடப்பு சாம்பியன் அமெரிக்காவை, ஸ்வீடன் அணி எதிர்கொண்டது. விறுவிறுப்பாக நடைபெற்ற இந்தப் போட்டியில், சுவீடன் வீராங்கனைகள் அனல் பறக்‍கும் ஆட்டத்தை வெளிப்படுத்தி அமெரிக்‍காவை திணறடித்தனர். இறுதியில், ஸ்வீடன் அணி, 3-க்‍கு பூஜ்ஜிசுயம் என்ற கோல் கணக்கில் உலக சாம்பியன் அமெரிக்காவை வீழ்த்தியது.

"E" பிரிவின் முதல் ஆட்டத்தில், இங்கிலாந்து - சிலி மகளிர் அணிகள் மோதின. இப்போட்டியில் இங்கிலாந்து 2-0 என்ற கோல் கணக்கில் வென்றது. "F" பிரிவில் உள்ள பிரேசில் அணியை சீனா எதிர்கொண்டது. விறுவிறுப்பாக நடைபெற்ற இந்தப் போட்டியில், பிரசில் வீராங்கனைகளின் அதிரடி ஆட்டத்தை சமாளிக்‍க முடியாமல் சீன வீராங்கனைகள் திணறினர். இறுதியில் பிரசில் அணி, 5-க்‍கு பூஜ்ஜியம் என்ற கோல் கணக்கில் வெற்றி பெற்று சீனாவை பந்தாடியது.