ஜப்பான் தலைநகரான டோக்கியோவில் நடைபெறவுள்ள கோடைக்கால ஒலிம்பிக் விளையாட்டு போட்டிகள் ஏற்கெனவே திட்டமிட்டபடி நடைபெறும் என்று சர்வதேச ஒலிம்பிக் கமிட்டி தலைவர் Thomas Bach தெரிவித்துள்ளார்.

டோக்கியோவில் கோடைக்கால ஒலிம்பிக் விளையாட்டு போட்டிகள் கடந்த ஆண்டு நடைபெற திட்டமிடப்பட்டிருந்தது. ஆனால் கொரோனா நோய்த்தொற்று பரவல் காரணமாக இப்போட்டிகள் இந்த ஆண்டு ஜூலை மாதத்திற்கு ஒத்தி வைக்கப்பட்டன. கொரோனா நோய்த்தொற்று முடிவு பெறாத நிலையில், போட்டிகள் ஒத்தி வைக்கப்பட வாய்ப்புள்ளதாக கூறப்படுவதை சர்வதேச ஒலிம்பிக் கமிட்டி தலைவர் Thomas Bach மறுத்துள்ளார். ஏற்கெனவே திட்டமிட்டபடி, ஜூலை மாதம் 23ம் தேதி போட்டிகள் தொடங்கும் என்று தெரிவித்தார். போட்டியில் பங்கு கொள்ளும் விளையாட்டு வீரர்களின் பாதுகாப்பு மற்றும் உடல் நலனுக்கு முக்கியத்துவம் அளிக்கப்படும் என்றும் அவர் குறிப்பிட்டார். வீரர்களுக்கு தனிமைப்படுத்துதல், சமூக இடைவெளி மற்றும் உடல் பரிசோதனை என பல்வேறு சோதனைகள் மேற்கொள்ளப்படும் என்றும் Thomas Bach தெரிவித்தார்.