கலைஞர் டிவிக்கு 214 கோடி ரூபாய் பணம் கைமாறியது தொடர்பாக, கருணாநிதியின் மகள் கனிமொழி, மனைவி தயாளு, கலைஞர் டிவி முன்னாள் நிர்வாக இயக்குநர் சரத்குமார் உள்ளிட்டோர் மீது விரைவில் குற்றப்பத்திரிகை தாக்கல் செய்ய மத்திய அரசு உத்தரவிட்டுள்ளது.

கருணாநிதி குடும்பத்தினர் நடத்தும் கலைஞர் டிவிக்கு, 214 கோடி ரூபாய் பணம் கைமாறியது குறித்து சி.பி.ஐ. விசாரணை நடத்தி வருகிறது. இந்த விவகாரத்தில், கருணாநிதியின் மகள் கனிமொழி, மனைவி தயாளு, முன்னாள் நிர்வாக இயக்குநர் சரத்குமார் மற்றும் வினோத் கோயங்கா ஆகியோர் மீது குற்றப்பத்திரிகை தாக்கல் செய்யுமாறு மத்திய நிதியமைச்சகம் உத்தரவிட்டுள்ளது. மேலும், இப்பணம் கைமாறியதில், கனிமொழிக்கு உதவி செய்ததாக தி.மு.க. முன்னாள் மத்திய அமைச்சர் ஆ.ராசா மீதும் குற்றபத்திரிகை தாக்கல் செய்ய உத்தரவிடப்பட்டுள்ளது. மேலும், பணத்தை கைமாற்றிக் கொடுத்த சினியுக் நிறுவன இயக்குநர் கரீம் மொரானி மற்றும் ஷாகித் பால்வா, ஆசிஃப் பால்வா ஆகியோர் மீதும் குற்றப்பத்திரிகை தாக்கல் செய்யப்படவுள்ளது. இதனையடுத்து, அமலாக்கப்பிரிவினர் டெல்லி பாட்டியாலா சி.பி.ஐ. சிறப்பு நீதிமன்றத்தில் இவர்கள் மீது விரைவில் குற்றப்பத்திரிகை தாக்கல் செய்ய உள்ளனர்.