ஜம்மு-காஷ்மீர் நிலவரம் குறித்து ஆய்வு - தேசிய பாதுகாப்பு ஆலோசகர், உளவுத்துறை தலைமை அதிகாரியுடன் உள்துறை அமைச்சர் அமித்ஷா முக்கிய ஆலோசனை
Aug 19 2019 6:00PM
எழுத்தின் அளவு:
அ +
அ -
அ
ஜம்மு-காஷ்மீர் நிலவரம் தொடர்பாக, தேசிய பாதுகாப்பு ஆலோசகர், உள்துறை செயலாளர், உளவுத்துறை அதிகாரிகள் ஆகியோருடன் உள்துறை அமைச்சர் திரு. அமித்ஷா ஆலோசனை நடத்தினார்.
ஜம்மு காஷ்மீரில், கட்டுப்பாடுகள் தளர்த்தப்பட்டதும், சில இடங்களில் நேற்று வன்முறை சம்பவங்கள் நடைபெற்றன. இதையடுத்து, மீண்டும் கட்டுப்பாடுகள் அமல்படுத்தப்பட்டன. இருந்தபோதிலும், அறிவித்தப்படி இன்று, பள்ளி, கல்லூரிகள், திறக்கப்பட்டன. மாநிலத்தில் இயல்பு நிலை திரும்புவதை அரசு உன்னிப்பாக கவனித்து வருவதாக தெரிவிக்கப்பட்டது. இந்நிலையில், ஜம்மு-காஷ்மீர் விவகாரம் தொடர்பாக தேசிய பாதுகாப்பு ஆலோசகர் திரு. அஜித் தோவல், உள்துறை செயலாளர் திரு. ராஜீவ் கோபா மற்றும் உளவுத்துறை அதிகாரிகளுடன், டெல்லியில் உள்ள உள்துறை அமைச்சகத்தில், உள்துறை அமைச்சர் திரு. அமித்ஷா ஆலோசனை நடத்தினார்.