மாநிலங்களவையில் முத்தலாக் மசோதாவுக்கு எதிராக வாக்‍களிக்‍கப்போவதாக, தேசிய ஜனநாயக கூட்டணியில் இடம்பெற்றுள்ள ஐக்‍கிய ஜனதா தளம் அறிவித்துள்ளதால் மத்திய அரசுக்‍கு நெருக்‍கடி ஏற்பட்டுள்ளது.

முத்தலாக்‍ மசோதாவை சட்டமாக்‍கும் வகையில் திருத்தங்களுடன் தாக்கல் செய்யப்பட்ட புதிய மசோதா, மக்‍களவையில் அண்மையில் நிறைவேறியது. ஆனால், மாநிலங்களவையில் எதிர்க்கட்சிகளின் அமளி காரணமாக முத்தலாக் மசோதா நிறைவேறுவதில் தாமதம் ஏற்பட்டுள்ளது.

மாநிலங்களவையில் முத்தலாக் மசோதாவுக்கு எதிராக வாக்‍களிக்‍கப்போவதாக, தேசிய ஜனநாயக கூட்டணியில் இடம்பெற்றுள்ள ஐக்‍கிய ஜனதா தளம் அறிவித்துள்ளது. இதுதொடர்பாக கருத்து தெரிவித்துள்ள அக்‍கட்சியைச் சேர்ந்த மூத்த தலைவர் வசிஷ்ட நாராயண் சிங், முத்தலாக் மசோதா மிக அவசரமாக நிறைவேற்றப்படுவதாகவும், மேலும் சில திருத்தங்கள் மேற்கொள்ள வேண்டும் என்றும் குறிப்பிட்டார். ஐக்கிய ஜனதா தள கட்சியின் இந்த திடீர் முடிவு, பாரதிய ஜனதா அரசுக்கு, கடும் நெருக்கடியை ஏற்படுத்தியுள்ளது.