புதுச்சேரி ரேஷன் கடை ஊழியர்கள் பிச்சை எடுத்து தர்ணா போராட்டம் : ரேஷன் கடைகளை மீண்டும் திறந்து பணி வழங்க கோரிக்கை
Jan 11 2024 7:28PM
எழுத்தின் அளவு:
அ +
அ -
அ
புதுச்சேரி ரேஷன் கடை ஊழியர்கள், பல்வேறு கோரிக்கைகளை வலியுறுத்தி குடிமைப்பொருள் அலுவலக வாயிலில் பிச்சை எடுக்கும் போராட்டத்தில் ஈடுபட்டனர். புதுச்சேரியில் ரேஷன் கடைகள் மூலம் வழங்கப்பட்டு வந்த அரிசி உள்ளிட்ட பொருட்கள் நிறுத்தப்பட்டு, அதற்கு பதிலாக பயனாளிகளின் வங்கிக் கணக்கில் பணம் செலுத்தப்படுவதால், 55 மாதங்களுக்கு மேலாக ரேஷன் கடைகள் மூடப்பட்டுள்ளன. இதனால் வேலை இழந்த ஊழியர்கள், மீண்டும் ரேஷன் கடைகளை திறந்து தங்களுக்கு பணி வழங்க வேண்டும் அல்லது மாற்றுப்பணி வழங்கவேண்டும் என்பது உள்ளிட்ட கோரிக்கைகளை வலியுறுத்தி போராட்டத்தில் ஈடுபட்டனர். தட்டாஞ்சாவடி பகுதியில் உள்ள குடிமைப் பொருள் அலுவலக வாயிலில் பிச்சை எடுத்து சாலையில் தர்ணா போராட்டம் நடத்தினர்.