இந்தியாவில் ஒரே நாளில் 2 ஆயிரத்து 364 பேருக்கு கொரோனா தொற்று உறுதி செய்யப்பட்டுள்ளது.

நாடு முழுவதும் கடந்த 24 மணி நேரத்தில் 2 ஆயிரத்து 364 பேருக்‍கு புதிதாக கொரோனா தொற்று ஏற்பட்டுள்ளது. இதன் மூலம், கொரோனா பாதிப்பு மொத்த எண்ணிக்கை 4 கோடியே 31 லட்சத்து 29 ஆயிரத்து 563-ஆக உயர்ந்துள்ளது. கடந்த 24 மணி நேரத்தில் 10 பேர் வைரஸ் தொற்றுக்‍கு மரணமடைந்துள்ளதாகவும், இதன்மூலம் மொத்த பலி எண்ணிக்‍கை 5 லட்சத்து 24 ஆயிரத்து 303-ஆக அதிகரித்துள்ளதாகவும் மத்திய சுகாதாரத்துறை அமைச்சகம் கூறியுள்ளது. 15 ஆயிரத்து 419 பேர் மருத்துவமனைகளில் கொரோனாவுக்‍கு சிகிச்சை பெற்று வருவதாக கூறப்பட்டுள்ளது. நேற்று ஒரேநாளில் 2 ஆயிரத்து 582 பேர் தொற்றிலிருந்து மீண்டுள்ளதாகவும், இதுவரை 4 கோடியே 25 லட்சத்து 89 ஆயிரத்து 841 பேர் கொரோனா தொற்றிலிருந்து குணமடைந்துள்ளதாகவும் தெரிவிக்‍கப்பட்டுள்ளது. இன்று காலை 8 மணி நிலவரப்படி, நாடு முழுவதும் 191 கோடியே 79 லட்சத்து 96 ஆயிரத்து 905 டோஸ் கொரோனா தடுப்பூசிகள் போடப்பட்டுள்ளதாக மத்திய சுகாதாரத்துறை கூறியுள்ளது.