மும்பை ஹோட்டலில் சடலமாக மீட்கப்பட்ட சுயேட்சை எம்.பி Mohan Delkar மரணம் குறித்த வழக்கை விசாரிக்க, சிறப்பு விசாரணைக் குழு அமைக்கப்பட்டுள்ளது.

மகாராஷ்ட்ரா மாநிலம் ஹவேலி மக்களவை தொகுதி சுயேச்சை எம்.பியான திரு.மோகன் தெல்கர், கடந்த 22-ம் தேதி மும்பையில் உள்ள ஹோட்டல் ஒன்றில் சடலமாக மீட்கப்பட்டார். அவர் தற்கொலை செய்திருக்கலாம் என போலீசாரின் முதல் கட்ட விசாரணையில் தகவல் தெரிவிக்கப்பட்டது. மோகன் தெல்கர் மரணத்தில் சந்தேகம் இருப்பதாக பல்வேறு தரப்பினரும் கூறி வந்தனர். மேலும் அவர் தற்கொலை செய்துகொண்ட ஹோட்டலில் இருந்து, 15 பக்க தற்கொலை கடிதம் கிடைத்தாகவும், அதில் தனது இறப்புக்கு காரணமானவர்களின் பெயர்களை அவர் குறிப்பிட்டிருந்ததாகவும் கூறப்பட்டது. ஏற்கனவே தன்னை சிலர் துன்புறுத்துவதாக மோகன் தெல்கர், பிரதமர் திரு.மோடிக்கும், உள்துறை அமைச்சர் திரு.அமித்ஷாவுக்கும் கடிதம் எழுதியிருந்தார் என்றும் குற்றச்சாட்டு எழுந்தது. இந்த நிலையில், மோகன் தெல்கர் மரணம் தொடர்பான வழக்கை விசாரிக்க சிறப்பு புலனாய்வுக்குழு ஒன்றை அமைக்கப்பட்டுள்ளதாக, மகாராஷ்ட்ரா உள்துறை அமைச்சர் திரு.அனில் தேஷ்முக், சட்டப்பேரவையில் தெரிவித்தார்.