நாட்டில் எங்கு போராட்டங்கள் நடைபெற்றாலும், மத்திய பா.ஜ.க அரசு அதனை முடக்கப்பார்ப்பதாக, சத்தீஸ்கர் முதலமைச்சர் திரு.பூபேஷ் பாகல் குற்றம் சாட்டியுள்ளார்.

புதிய வேளாண் சட்டங்களுக்கு எதிராக போராடும் விவசாயிகள் குறித்து பா.ஜ.க. தலைவர்கள் தொடர்ந்து அவதூறான கருத்துகளை தெரிவித்து வருவதற்கு, சத்தீஸ்கர் முதலமைச்சர் திரு.பூபேஷ் பாகல் கண்டனம் தெரிவித்துள்ளார். நாட்டில் எங்கு போராட்டம் நடைபெற்றாலும், மத்திய பாஜ.க. அரசு அதனை முடக்கப் பார்ப்பதாகவும், டெல்லியில் நடைபெற்று வரும் போராட்டத்தை சீர்குலைக்க, விவசாயிகளை பாகிஸ்தானிகள் என்றும், இடைத்தரகர்கள் என்றும் கூறி அவமதிப்பது கண்டனத்திற்குரியது எனவும், திரு.பூபேஷ் பாகல் குற்றம்சாட்டினார். ஆனால், மத்திய அரசின் மிரட்டல்களுக்கு விவசாயிகள் பயப்பட மாட்டார்கள் எனத் தெரிவித்த அவர், தேசிய மாணவர் சங்கம் சார்பாக, டெல்லியில் போராடும் விவசாயிகளுக்கு 53 டன் அரிசி அனுப்பி வைக்கப்பட்டிருப்பதாகவும் தெரிவித்தார்.