கேரளாவில் அதிர்வலையை ஏற்படுத்தியுள்ள தங்கக்கடத்தல் வழக்கில் தேடப்பட்டு வரும் ஸ்வப்னா சுரேஷ் உள்ளிட்ட 4 பேர் மீது என்.ஐ.ஏ அதிகாரிகள் வழக்குப்பதிவு செய்துள்ளனர்.

கேரள மாநிலம் திருவனந்தபுரத்தில் உள்ள ஐக்கிய அரபு அமீரக தூதரகத்தின் பெயரில், சரக்கு விமானத்தில் 30 கிலோ தங்கக்கட்டிகள் கடத்தப்பட்ட சம்பவம், நாடு முழுவதும் அதிர்வலையை ஏற்படுத்தியது. சுமார் 15 கோடி மதிப்புள்ள தங்கக்கட்டிகளை பெற்றுக் கொள்வதற்காகச் சென்ற, சரித் குமாரை சுங்கத்துறை அதிகாரிகள் கைது செய்தனர். இந்த கடத்தலில், கேரள தகவல் தொழில்நுட்பத் துறையில் பணிபுரியும் ஸ்வப்னா சுரேஷ் என்பவருக்குத் தொடர்பு இருப்பது தெரியவந்தது. இதையடுத்து போலீசார் அவரை தீவிரமாக தேடி வருகின்றனர். தலைமறைவாக உள்ள ஸ்வப்னா தரப்பில், முன்ஜாமின் கோரி திருவனந்தபுரம் உயர் நீதிமன்றத்தில் மனுதாக்கல் செய்யப்பட்டது. இந்த மனு வரும் 14-ம் தேதிக்கு ஒத்திவைக்கப்பட்டுள்ளது.

வழக்கை தேசிய புலனாய்வு முகமை விசாரித்து வருகிறது. இந்த நிலையில், ஸ்வப்னா சுரேஷ், சரித்குமார், Fazil Fareed, Sandeep Nair ஆகியோர் மீது சட்டவிரோத நடவடிக்கைகள் தடுப்புச் சட்டத்தின் கீழ் என்ஐஏ வழக்குப்பதிவு செய்துள்ளது.