டெல்லி திஹார் சிறையில் கடந்த 2 வாரங்களில் 3 பேர் மர்மமான முறையில் உயிரிழந்த சம்பவம் பெரும் பரபரப்பை ஏற்படுத்தியுள்ளது. இதுகுறித்து உயர்மட்ட விசாரணை நடத்த சிறைத்துறை உத்தரவிட்டுள்ளது.

இந்தியாவில் உள்ள மிகப்பெரிய சிறைச்சாலைகளில், டெல்லியில் உள்ள திஹார் சிறை முக்கியமானதாகும். தீவிரவாத செயல் உள்ளிட்ட கடுமையாக குற்றங்களில் ஈடுபட்டவர்கள், ஊழல் வழக்கில் சிக்கிய முக்கிய அரசியல் பிரமுகர்கள் என பலர் இங்கு சிறைத்தண்டனை அனுபவித்துள்ளனர். பல அடுக்கு பாதுகாப்பு கொண்ட இச்சிறையில், கடந்த இரு வாரங்களில் மட்டும் விசாரணைக் கைதிகள் 5 பேர் மர்மமான முறையில் உயிரிழந்துள்ளதாக தகவல்கள் வெளியாகியுள்ளன. சிறைத்துறை நிர்வாகத்தின் அலட்சியம் காரணமாகவே இதுபோன்ற உயிரிழப்புகள் நடப்பதாக கூறப்படுகிறது. இதனிடையே, திஹார் சிறை மர்ம மரணங்கள் குறித்து உயர்மட்ட குழு அமைத்து விசாரணை நடத்த உத்தரவிடப்பட்டுள்ளதாக சிறைத்துறை டி.ஐ.ஜி. அலோக் வர்மா தெரிவித்துள்ளார். விசாரணைக் கைதிகள் மர்மமான முறையில் உயிரிழப்பது சக கைதிகளிடையே பீதியை ஏற்படுத்தியுள்ளது.