விஜய் சேதுபதியை வைத்து விரைவில் படம் ஒன்றை இயக்குகிறார் மிஷ்கின் : 4 கதைகளை கூறியுள்ளதாகவும் மேலும் 2 கதைகளை கூற இருப்பதாகவும் இயக்குநர் மிஷ்கின் தகவல்
Nov 26 2022 10:45AM
எழுத்தின் அளவு:
அ +
அ -
அ
விஜய் சேதுபதியை வைத்து விரைவில் திரைப்படம் ஒன்றை தாம் இயக்க உள்ளதாக இயக்குநர் மிஷ்கின் தெரிவித்துள்ளார். விஜய் சேதுபதி நடித்துள்ள டி.எஸ்.பி. படத்தின் இசை மற்றும் டிரைலர் வெளியீட்டு விழாவில் கலந்து கொண்டு பேசிய இயக்குநர் மிஷ்கின், விஜய் சேதுபதி விரைவில் ஹாலிவுட்டில் நடிப்பாய்; இது என் சாபம் என தனது பாணியில் விருப்பம் தெரிவித்தார். டி.எஸ்.பி. படத்தில் இடம்பெற்ற 'நல்லா இருமா' என்ற பாடல் தனக்கு மிகவும் பிடித்திருக்கிறது என்று கூறினார். விஜய் சேதுபதியை வைத்து படம் இயக்க உள்ளதாகவும், இதுவரை 4 கதைகளை கூறி உள்ளதாகவும் 4-ஆவது கதை விஜய் சேதுபதிக்கு பிடித்திருப்பதாகவும் தெரிவித்தார். இன்னும் 2 கதைகள் கூற வேண்டி உள்ளது எனவும் மிஷ்கின் பேசினார்.