மதுரையில் பயிற்சி மருத்துவர் தாக்கப்பட்டதற்கு கடும் எதிர்ப்பு - அரசு மருத்துவர்கள் பணிகளைப் புறக்கணித்து போராட்டம்
Dec 14 2019 3:41PM
எழுத்தின் அளவு:
அ +
அ -
அ
மதுரை அரசு மருத்துவமனை பெண் மருத்துவர் மீது தாக்குதல் நடத்தியதை கண்டித்து மருத்துவர்கள் இன்று காலை பணி புறக்கணிப்பு போராட்டத்தில் ஈடுபட்டனர்.
மதுரை அரசு மருத்துவமனையில் ஒத்தக்கடை பகுதியை சேர்ந்த பெண் ஒருவர் பிரசவத்திற்காக அனுமதிக்கப்பட்ட நிலையில் அவரது உறவினர்கள் பிரசவ வார்டு பகுதியில் செருப்பு அணிந்தபடி அனுமதியின்றி உள்ளே நுழைந்ததாக கூறப்படுகிறது. இது குறித்து பணியில் ஈடுபட்டிருந்த பெண் பயிற்சி மருத்துவர் மறுத்த போது நோயாளியின் உறவினர்கள் பயிற்சி மருத்துவர் மீது தாக்குதல் நடத்தினர். இதையடுத்து மருத்துவர் மீது தாக்குதல் நடத்தியவர்கள் மீது வழக்குபதிவு செய்ய வேண்டும், சம்பவத்தின் போது அலட்சியமாக இருந்த பாதுகாப்பு பணியாளர்கள் மீது துறை ரீதியாக நடவடிக்கை எடுக்க வேண்டும், மருத்துவமனையில் பாதுகாப்பை பலபடுத்த வேண்டும் என்பன உள்ளிட்ட கோரிக்கைகளை வலியுறுத்தி அரசு மருத்துவர்கள் பணியை புறக்கணித்து போராட்டத்தில் ஈடுபட்டனர்.