சிவந்தி ஆதித்தனாரின் 83ஆவது பிறந்த நாள் இன்று கொண்டாடப்படுவதையொட்டி, அவரது உருவப்படத்திற்கு பல்வேறு தரப்பினரும் மரியாதை செலுத்தி வருகின்றனர்.

சென்னை போயஸ் தோட்டத்தில் உள்ள சிவந்தி ஆதித்தனாரின் இல்லத்தில் வைக்கப்பட்டிருந்த அவரது திருவுருவப்படத்திற்கு, தினத்தந்தி இயக்குனர் திரு.பாலசுப்ரமணியன் ஆதித்தன், மாலதி ஆதித்தன் மற்றும் குடும்பத்தினர் மரியாதை செலுத்தினர். தொடர்ந்து அம்மா மக்‍கள் முன்னேற்ற கழகத்தின் சார்பில் வடசென்னை வடக்கு மாவட்ட கழக செயலாளர் திரு.வெற்றிவேல், வடசென்னை தெற்கு மாவட்ட கழக செயலாளர் திரு. சந்தானகிருஷனன், தென்சென்னை வடக்கு மாவட்ட கழக செயலாளர் திரு. கலைராஜன் ஆகியோர் சிவந்தி ஆதித்தனாரின் ​திருவுருவ படத்திற்கு மாலை அணிவித்து மரியாதை செலுத்தினர்.

காங்கிரஸ் முன்னாள் தலைவர் தங்கபாலு, சமத்துவ மக்கள் கழக தலைவர் திரு.எர்ணாவூர் நாராயணன், சட்டமன்ற உறுப்பினர் திரு. அனிதா ராதாகிருஷ்ணன், திரு.V.G. சந்தோசம், தமிழ்நாடு வணிகர் சங்கங்களின் பேரமைப்பு தலைவர் திரு. விக்கிரமராஜா, நாம் தமிழர் கட்சி ஒருங்கிணைப்பாளர் திரு. சீமான் ஆகியோரும் சிவந்தி ஆதித்தனாரின் உருவப் படத்திற்கு மரியாதை செலுத்தினர்.