உள்ளாட்சித் தேர்தலில் 100 சதவீதம் வெற்றி பெறுவதற்கான தேர்தல் களப்பணிகள் குறித்து நடைபெற்ற செயல்வீரர்கள் - வீராங்கனைகள் ஆலோசனைக் கூட்டத்தில் கழக நிர்வாகிகள் ஏராளமானோர் கலந்துகொண்டனர்.

சென்னை கொளத்தூர் சட்டமன்றத் தொகுதியில் 67-வது வட்ட செயல் வீரர்கள் - வீராங்கனைகள் ஆலோசனைக் கூட்டம் நடைபெற்றது. கழக சிறுபான்மை பிரிவு செயலாளர் திரு.ஜே.சி.டி.பிரபாகர், வடசென்னை வடக்கு மாவட்டக் கழக செயலாளர் திரு.பி.வெற்றிவேல் மற்றும் ஜெ ஜெயலலிதா பேரவை, மகளிர் அணி, மீனவர் அணி, மாணவர் அணி, எம்.ஜி.ஆர். இளைஞர் அணி, எம்.ஜி.ஆர்.மன்றம், இளைஞர்கள் மற்றும் இளம்பெண்கள் பாசறை நிர்வாகிகள் உள்ளிட்ட ஏராளமான கழகத் தொண்டர்கள் கலந்துகொண்டனர். அப்போது, உள்ளாட்சிமன்றத் தேர்தலில் 100 சதவீத வெற்றி பெறும் வகையில் களப்பணியாற்றுவது தொடர்பாக ஆலோசனைகள் வழங்கப்பட்டன.

இதேபோல், சென்னை வில்லிவாக்கம் சட்டமன்றத் தொகுதியில் 99-வது வட்ட செயல்வீரர்கள் - வீராங்கனைகள் ஆலோசனைக் கூட்டம் நடைபெற்றது. இதில், அனைத்து பிரிவு நிர்வாகிகள் மற்றும் கழகத் தொண்டர்கள் கலந்துகொண்டனர். உள்ளாட்சி மன்றத் தேர்தல் களப்பணிகள் தொடர்பாக ஆலோசனைகள் வழங்கப்பட்டன.

முதலமைச்சர் செல்வி ஜெயலலிதா உத்தரவுப்படி, உள்ளாட்சித் தேர்தலில் 100 சதவீத வெற்றி பெறுவது குறித்த ஆலோசனைக் கூட்டம் திருவண்ணாமலை தெற்கு மாவட்ட கழக அமைப்புசாரா ஓட்டுநர் அணி சார்பில் திருவண்ணாமலையில் நடைபெற்றது. அமைச்சர் திரு.சேவூர் எஸ். ராமச்சந்திரன், கழக அமைப்புசாரா ஓட்டுநர் அணி செயலாளர் திரு.ஆர்.கமலக்கண்ணன் உள்ளிட்ட ஏராளமான கழக நிர்வாகிகள் கலந்துகொண்டனர்.