புதுக்கோட்டை மாவட்டம், அறந்தாங்கி தொகுதி சட்டமன்ற உறுப்பினரின் சகோதரரும், அ.இ.அ.தி.மு.க. நிர்வாகியுமான திரு. சின்னகருப்பன் மறைவு குறித்து, முதலமைச்சர் செல்வி ஜெயலலிதா ஆழ்ந்த இரங்கல் தெரிவித்துள்ளார்.

அனைத்திந்திய அண்ணாதிராவிட முன்னேற்றக்கழகப் பொதுச்செயலாளரும், முதலமைச்சருமான செல்வி ஜெ ஜெயலலிதா வெளியிட்டுள்ள இரங்கல் செய்தியில், புதுக்கோட்டை மாவட்டக் கழக அவைத் தலைவரும், அறந்தாங்கி தொகுதி சட்டமன்ற உறுப்பினருமான திரு. E.A. ரத்தின சபாபதியின் சகோதரரும், மணமேல்குடி ஊராட்சி ஒன்றியக் குழு துணைத் தலைவருமான திரு. E.A. சின்னகருப்பன், மாரடைப்பால் மரணமடைந்துவிட்டார் என்ற செய்தி கேட்டு வருத்தமுற்றதாகத் தெரிவித்துள்ளார். சகோதரரை இழந்துவாடும் திரு. ரத்தினசபாபதிக்கும், அவரது குடும்பத்தினருக்கும் தமது ஆழ்ந்த இரங்கலையும், அனுதாபத்தையும் தெரிவித்துக் கொள்வதுடன், அன்னாரது ஆன்மா இறைவன் திருவடி நிழலில் இளைப்பாற எல்லாம் வல்ல இறைவனைப் பிரார்த்திப்பதாகவும் முதலமைச்சர் செல்வி ஜெயலலிதா குறிப்பிட்டுள்ளார்.