அ.இ.அ.தி.மு.க. பொதுச் செயலாளரும், முதலமைச்சருமான செல்வி ஜெயலலிதாவை, புதுச்சேரி மாநிலத்தில் காங்கிரஸ் கட்சியில் பல்வேறு பொறுப்புகளில் பணியாற்றி வந்தவரும், அம்மாநில சட்டப்பேரவையின் முன்னாள் சபாநாயகருமான திரு.P.கண்ணன் இன்று சந்தித்து, கழகத்தில் தன்னை இணைத்துக்கொண்டார்.

அனைத்திந்திய அண்ணா திராவிட முன்னேற்றக் கழகப் பொதுச் செயலாளரும், முதலமைச்சருமான செல்வி ஜெ ஜெயலலிதாவை, காங்கிரஸ் கட்சியில் பல்வேறு பொறுப்புகளில் பணியாற்றி வந்தவரும், புதுச்சேரி மாநில சட்டமன்றப் பேரவையின் சபாநாயகராகவும், அமைச்சராகவும், பின்னர் மாநிலங்களவை உறுப்பினராகவும் பதவி வகித்தவருமான திரு. P. கண்ணன், இன்று நேரில் சந்தித்து, தன்னை கழகத்தின் அடிப்படை உறுப்பினராக இணைத்துக்கொண்டார்.

இந்நிகழ்ச்சியின்போது, கழகப் பொருளாளரும், கழக ஒழுங்கு நடவடிக்கைக் குழு உறுப்பினரும், நிதி மற்றும் பொதுப்பணித்துறை அமைச்சருமான திரு. ஓ. பன்னீர்செல்வம், கழக ஒழுங்கு நடவடிக்கைக் குழு உறுப்பினரும், தஞ்சாவூர் தெற்கு மாவட்டக் கழகச் செயலாளரும், வீட்டுவசதி, நகர்ப்புற வளர்ச்சி மற்றம் வேளாண்மைத்துறை அமைச்சருமான திரு. ஆர். வைத்திலிங்கம், புதுச்சேரி மாநிலக் கழகச் செயலாளர் திரு. பெ. புருஷோத்தமன் எம்.எல்.ஏ., ஆகியோர் உடனிருந்தனர்.