முதலமைச்சர் செல்வி ஜெயலலிதாவின் 68-வது பிறந்தநாளையொட்டி, தென்சென்னை வடக்கு மாவட்ட அ.இ.அ.தி.மு.க. சார்பில், திருவல்லிக்கேணி தர்ஹாவில், சிறப்பு ஃபாத்தியா, நலத்திட்ட உதவிகள் வழங்கப்பட்டன.

முதலமைச்சர் செல்வி ஜெயலலிதாவின் 68-வது பிறந்தநாளை மிகச் சிறப்பாக கொண்டாட அ.இ.அ.தி.மு.க. தொண்டர்கள் முடிவு செய்து, அதற்கான பணிகளில் தீவிரமாக ஈடுபட்டுள்ளனர். இந்நிலையில், முதலமைச்சரின் பிறந்தநாளையொட்டி, தென்சென்னை வடக்கு மாவட்ட அ.இ.அ.தி.மு.க. சார்பில், திருவல்லிக்கேணி தர்ஹாவில், சிறப்பு தொழுகையும், ஏழை எளிய மக்களுக்கு நலத்திட்ட உதவிகள் வழங்கும் நிகழ்ச்சியும் நடைபெற்றன. இதில் அமைச்சர்கள் திருமதி. பா. வளர்மதி, திருமதி. எஸ். கோகுல இந்திரா, சென்னை மாநகர மேயர் திரு. சைதை. துரைசாமி மற்றும் கழக நிர்வாகிகள் பங்கேற்றனர்.

இதேபோன்று, நுங்கம்பாக்கம் புஷ்பா நகரில் உள்ள ஸ்ரீ தேவி கருமாரியம்மன் கோயிலில், முதலமைச்சர் செல்வி ஜெயலலிதாவின் பிறந்தநாளையொட்டி, ஆயிரத்து 68 பேருக்கு, நலத்திட்ட உதவிகள் வழங்கப்பட்டன. அமைச்சர் திருமதி. பா. வளர்மதி உள்ளிட்டோர் பங்கேற்றனர்.