முதலமைச்சர் ஜெயலலிதாவின் அணுகுமுறை மற்றும் எண்ணற்ற மக்கள் நலத்திட்டங்களால் மீண்டும் அ.இ.அ.தி.மு.க.வே ஆட்சியை பிடிக்கும் - 2016 சட்டப்பேரவைத் தேர்தலில் மகத்தான வெற்றி பெறும் என கருத்துக்கணிப்பில் தகவல்
Aug 29 2015 10:10AM
எழுத்தின் அளவு:
அ +
அ -
அ
தமிழகத்தில், 2016-ம் ஆண்டு நடைபெறவுள்ள சட்டமன்றத் தேர்தலிலும் முதலமைச்சர் செல்வி ஜெயலலிதா தலைமையிலான அ.இ.அ.தி.மு.க.வே மகத்தான வெற்றி பெறும் என மக்கள் ஆய்வகம் நடத்திய கருத்துக்கணிப்பில் தெரியவந்துள்ளது.
2016-ம் ஆண்டு நடைபெறவுள்ள சட்டமன்றத் தேர்தல் முடிவுகள் எப்படி இருக்கும் என்பது குறித்து மக்கள் ஆய்வகம் நடத்திய கருத்துக்கணிப்பில், தமிழக முதலமைச்சராகும் தகுதி, திறமை, வாய்ப்பு ஆகியன முதலமைச்சர் செல்வி ஜெயலலிதாவுக்கே உள்ளது என 31 புள்ளி ஐந்து ஆறு சதவீதம் பேர் கருத்து தெரிவித்துள்ளனர். இதன் மூலம், ஆய்வகம் குறிப்பிட்ட பெயர்களில், முதலமைச்சர் செல்வி ஜெயலலிதா முதலிடம் வகிப்பதாக தெரிவித்துள்ளது. தற்போதைய அரசியல் நிலவரத்தில், இன்று தேர்தல் நடைபெற்று வாக்களிப்பதாக இருந்தாலும், முதலமைச்சர் செல்வி ஜெயலலிதா தலைமையிலான அ.இ.அ.தி.மு.க.விற்கே வாக்களிப்போம் என 34 புள்ளி ஒரு சதவீதம் பேர் கருத்து தெரிவித்துள்ளனர்.