நடிகர் திலகம் திரு. சிவாஜி கணேசனின் நினைவைப் போற்றும் வகையில், தமிழக அரசு சார்பில், சென்னையில் மணிமண்டபம் அமைக்கப்படும் என அறிவித்துள்ள முதலமைச்சர் செல்வி ஜெயலலிதாவுக்கு, டெல்லி தமிழ்ச்சங்கம் பாராட்டு தெரிவித்துள்ளது.

வீரபாண்டிய கட்டபொம்மன், கப்பலோட்டிய தமிழன் போன்ற சுதந்திரப் போராட்ட வீரர்களின் பாத்திரங்களை ஏற்று, அற்புதமாக நடித்து புகழ்பெற்ற நடிகர் திலகம் திரு. சிவாஜி கணேசனின் கலைச் சேவையைப் பாராட்டும் வகையிலும், அவரது நினைவைப் போற்றும் வகையிலும், தமிழக அரசு சார்பில், சென்னையில் மணிமண்டபம் அமைக்கப்படும் என முதலமைச்சர் செல்வி ஜெயலலிதா சட்டப்பேரவையில் அறிவித்தார். முதலமைச்சரின் இந்த அறிவிப்புக்கு பல்வேறு தரப்பினரும் தொடர்ந்து நன்றியும், பாராட்டும் தெரிவித்த வண்ணம் உள்ளனர்.

அனைத்து துறைகளிலும் சிறந்து விளங்குபவர்களை முதலமைச்சர் செல்வி ஜெயலலிதா போற்றி பாராட்டி வருகிறார் எனவும், நடிகர் திலகம் திரு. சிவாஜி கணேசனுக்கு மணிமண்டபம் அமைக்கப்படும் என்ற முதலமைச்சரின் இந்த அறிவிப்பை அனைத்து தரப்பு மக்களும் வரவேற்பதாகவும் அகில இந்திய தமிழ்ச் சங்கங்களின் கூட்டமைப்பும், டெல்லி தமிழ்ச் சங்கமும் பாராட்டு தெரிவித்துள்ளன.