திருப்பூரில் ஆதரவற்றோர் குழந்தைகள் காப்பகத்தில் கெட்டுப்போன உணவை சாப்பிட்ட 3 குழந்தைகள் உயிரிழந்த சம்பவம் பெரும் அதிர்ச்சியை ஏற்படுத்தியுள்ளது. 3 குழந்தைகளும் நேற்றிரவே உயிரிழந்துவிட்டதாகவும், துர்நாற்றம் வீசியதாகவும் அப்பகுதி மக்‍கள் குற்றம் சாட்டியுள்ளதால், குழந்தைகள் மரணத்தில் மர்மம் நீடிக்‍கிறது.

திருப்பூர் அவிநாசி சாலை, தூண்டில் ரிங் ரோட்டில் உள்ள விவேகானந்தா சேவாலயம் ஆதரவற்றோர் குழந்தைகள் காப்பகத்தில் கெட்டுப்போன உணவை சாப்பிட்ட குழந்தைகளுக்‍கு உடல்நலம் பாதிக்‍கப்பட்டது. இதையடுத்து, திருப்பூர் அரசு தலைமை மருத்துவமனையில் குழந்தைகள் அனுமதிக்‍கப்பட்டனர். கவுதம், சதீஷ், தர்னிஸ், சபரி, குணா, ரித்திஸ், ஹர்ஷத், கவின் குமார் உள்ளிட்ட 11 குழந்தைகள் சிகிச்சை பெற்று வருகின்றனர். மாதேஷ், பாபு, அத்தீஷ் ஆகிய சிறுவர்கள் பரிதாபமாக உயிரிழந்தனர்.

இதனிடையே, இந்த 3 குழந்தைகளும் நேற்றிரவே உயிரிழந்துவிட்டதாகவும், தூர்நாற்றம் வீசியதாகவும் அப்பகுதி மக்‍கள் குற்றம் சாட்டியுள்ளனர். குழந்தைகள் இறந்தநிலையில் தரையில் கிடப்பது போன்ற புகைப்படத்தை வெளியிட்டுள்ளனர். இதனால் குழந்தைகள் மரணத்தில் மர்மம் நீடிக்‍கிறது.