சென்னையில் காலை 10 மணிக்கே கடைகள் அடைப்பு - மக்கள் நடமாட்டம், வாகனப்போக்குவரத்தின்றி வெறிசோடிய சாலைகள்
May 15 2021 12:28PM
எழுத்தின் அளவு:
அ +
அ -
அ
சென்னையில் புதிய ஊரடங்கு கட்டுப்பாடுகளால் காலை 10 மணிக்கே கடைகள் அடைக்கப்பட்டன. இதனால் சாலைகள் மக்கள் கூட்டமின்றி வெறிசோடின.
கொரோனா ஊரடங்கு கட்டுப்பாடுகளை மேலும் தீவிரமாக்கும் நடவடிக்கையாக, இன்றுமுதல் காலை 10 மணி வரை மளிகை, காய்கறிக் கடைகள் செயல்பட அரசு அனுமதி வழங்கியுள்ளது. இதனால் காலை 10 மணிக்கு கடைகள் அடைக்கப்பட்டன. அதிகாரிகள் சீல் வைக்கும் நடவடிக்கையால், சில கடைகள் 10 மணிக்கு முன்னதாகவே அடைக்கப்பட்டன. இதனால் பெரும்பாலான சாலைகளில் வாகனங்கள் இயக்கம் குறைந்து, சாலைகள் வெறிச்சோடின. சென்னையில் எப்போதும் பரபரப்பாக காணப்படும் அசோக்நகர், தியாகராய நகர், பாண்டிபஜார் உள்ளிட்ட பகுதிகள், மக்கள் நடமாட்டமின்றி வெறிச்சோடின. 10 மணிக்குள் கடைகளை அடைப்பதால் கூட்டம் அதிகரிப்பதாகவும், கடைகள் திறப்பு நேரத்தை அதிகரிக்க வேண்டும் என்றும், வியாபாரிகள், பொதுமக்கள் கோரிக்கை விடுத்துள்ளனர்.