கன்னியாகுமரியில் தொடர்ந்து 3-வது நாளாக கடல் உள்வாங்கியதால் சுற்றுலாப் படகுகளின் இயக்கம் தற்காலிகமாக நிறுத்தம்
Aug 27 2014 3:07PM
எழுத்தின் அளவு:
அ +
அ -
அ
கன்னியாகுமரியில், தொடர்ந்து 3-வது நாளாக இன்றும் கடல் உள்வாங்கியதால் சுற்றுலாப் படகுகளின் இயக்கம் தற்காலிகமாக நிறுத்தி வைக்கப்பட்டுள்ளது.
கன்னியாகுமரியில் கடல்நடுவே உள்ள விவேகானந்தர் மண்டபம், திருவள்ளுவர் சிலை ஆகியவற்றை சுற்றுலாப் பயணிகள் கண்டுகளிக்க, தமிழ்நாடு அரசின் பூம்புகார் கப்பல் போக்குவரத்துக் கழகம் படகுகளை இயக்கி வருகிறது. இந்நிலையில், 3 நாளாக இன்றும் கன்னியாகுமரி கடல்பகுதியில் தொடர்ந்து தண்ணீர் உள்வாங்கியிருப்பதால், இப்படகுகளை இயக்க முடியாத நிலை ஏற்பட்டுள்ளது. இதனையடுத்து, சுற்றுலாப் பயணிகளின் இயக்கம் தற்காலிகமாக நிறுத்தி வைக்கப்படுவதாகவும், கடலின் இயல்பு நிலை திரும்பியதும், மீண்டும் படகுகள் இயக்கப்படும் என்றும் பூம்புகார் கப்பல் போக்குவரத்துக் கழகம் அறிவித்துள்ளது.