தாய்லாந்து பிரதமர், பதவி விலகக் கோரி, பொதுமக்கள் போராட்டம் - பாங்காக்கில் நடைபெற்ற பேரணியில் பத்தாயிரத்துக்கும் மேற்பட்டோர் பங்கேற்பு
Jan 12 2020 2:07PM
எழுத்தின் அளவு:
அ +
அ -
அ
தாய்லாந்து பிரதமர், பதவி விலகக் கோரி நடந்த பேரணியில் பத்தாயிரத்துக்கும் மேற்பட்டவர்கள் பங்கேற்றனர்.
தாய்லாந்து பிரதமராகப் பதவி வகித்து வரும் பிரயூத் ச்சான் ஓச்சா, பதவி விலக வேண்டும் என பலதரப்பிலும் கோரிக்கைகள் வலுத்துவருகின்றன. முன்னாள் ராணுவத் தளபதியான இவர், அந்நாட்டின் சர்வாதிகாரியாகவும் செயல்பட்டுள்ளார். ஓய்வுக்குப் பின், தமது ஆதரவாளர்களை வைத்து தன்னைத் தானே பிரதமராக அறிவித்துக் கொண்டார். மேலும், காவல்துறை, ராணுவம் ஆகியவற்றின் அமைச்சகப்பொறுப்புக்களையும் அவரே கவனித்து வருகிறார். அவரது நடவடிக்கைகளால் அதிருப்தி அடைந்த அந்நாட்டு மக்கள், பிரதமர் பதவி விலகக் கோரி பலகட்டப் போராட்டங்களை தொடர்ந்து நடந்துவருகின்றனர். தலைநகர் பாங்காக்கில் இன்று நடைபெற்ற பேரணியில் பத்தாயிரத்துக்கும் மேற்பட்டோர் பங்கேற்றனர். பிரதமருக்கு எதிராக கண்டன கோஷங்களை எழுப்பியும், பதாகைகளை ஏந்தியும் போராட்டக்காரர்கள் பேரணியாகச் சென்றனர்.