உக்ரைன் விவகாரத்தில் அமெரிக்க அதிபர் டொனால்ட் டிரம்ப்பை பதவி நீக்கம் செய்யலாம் என விசாரணை வாரியம் தெரிவித்துள்ளது.

வரும் 2020ம் ஆண்டு நடைபெறும் அமெரிக்க அதிபர் தேர்தலில் டிரம்புக்கு எதிராக ஜனநாயக கட்சி வேட்பாளர் ஜோ பிடன் களமிறங்குவார் என எதிர்பார்க்கப்படுகிறது. இந்நிலையில் ஜோ பிடன் மற்றும் அவரது மகன் ஹண்டர் குறித்து விசாரணை நடத்தும்படி உக்ரைன் அதிபர் ஜெலன்ஸ்கீக்கு அதிபர் டிரம்ப் அழுத்தம் கொடுத்ததாக தகவல் வெளியானது. இதையடுத்து இந்த விவகாரம் தொடர்பாக நாடாளுமன்ற விசாரணைக்குழு விசாரணை நடத்தி வருகிறது. இதில், ஜனநாயகக் கட்சியைச் சேர்ந்த மூவரும் குடியரசுக் கட்சியைச் சேர்ந்த ஒருவரும் இடம் பெற்றுள்ளனர். தங்கள் விசாரணையில் அதிபர் டிரம்புக்கு எதிராக பல ஆதாரங்கள் கிடைத்துள்ளதாக எதிர்க்கட்சியான ஜனநாயக கட்சியினர் தெரிவித்துள்ளனர். டிரம்பை பதவி நீக்கம் செய்யலாம் என்றும் அவர்கள் பரிந்துரைத்துள்ளனர். அதேவேளையில், டிரம்ப் செய்தது தவறு என்றும் எனினும் அதற்காக அவரை பதவி நீக்கம் செய்ய தேவையில்லை எனவும் விசாரணை குழுவில் இடம்பெற்றுள்ள குடியரசுக் கட்சியை உறுப்பினர் கூறியுள்ளார்.