அமேசான் காடுகளில் தீ வைக்க லியானார்டோ பணம் கொடுத்தார் : நடிகர் குறித்து பிரேசில் அதிபர் பகிர் குற்றச்சாட்டு - லியானார்டோ மறுப்பு
Dec 1 2019 7:16PM
எழுத்தின் அளவு:
அ +
அ -
அ
அமேசான் காடுகளுக்கு தீ வைக்க பணம் கொடுத்தார் என்ற பிரேசில் அதிபரின் குற்றச்சாட்டுக்கு பிரபல ஹாலிவுட் நடிகர் லியானார்டோ டிகாப்ரியோ பதிலளித்துள்ளார்.
பிரபல ஹாலிவுட் நடிகர் லியானார்டோ டிகாப்ரியோ சுற்றுச்சூழல் சார்ந்த பிரச்சனைகளுக்காகவும் குரல் கொடுத்து வருகிறார். அமேசான் காட்டுத்தீ விவகாரம் தொடர்பாக Dicaprio தொடர்ந்து குரல் கொடுத்தார். இந்நிலையில், அமேசான் காட்டுத் தீ ஏற்பட்டதற்கு அரசுசாரா அமைப்புகள் தான் காரணம் என பிரேசில் அதிபர் Jair Bolsonaro விமர்சித்திருந்தார். மேலும், அமேசான் காடுகளுக்கு தீ வைக்க லியானார்டோ டிகாப்ரியோ பணம் கொடுத்தார் என்றும் ஆதாரமற்ற குற்றச்சாட்டை முன்வைத்தார். இந்த குற்றச்சாட்டு பரபரப்பை ஏற்படுத்திய நிலையில், இது தொடர்பாக டிகாப்ரியோ பதிலளித்துள்ளார். பிரசில் அதிபரின் குற்றச்சாட்டை மறுத்துள்ள டிகாப்ரியோ
பிரேசிலின் இயற்கை வளம் மற்றும் கலாச்சாரத்தை காக்க போராடும் மக்களுக்கு தனது ஆதரவை தெரிவித்துக்கொள்வதாகவும் கூறியுள்ளார்.