ரஷ்ய அதிபர் பதவி தேர்தலில் மீண்டும் போட்டி : அதிபர் விளாடிமிர் புடின் அறிவிப்பு
Dec 7 2017 1:14PM
எழுத்தின் அளவு:
அ +
அ -
அ
ரஷ்ய அதிபர் பதவிக்கு அடுத்த ஆண்டு நடைபெறும் தேர்தலில் மீண்டும் போட்டியிடப் போவதாக அந்நாட்டின் அதிபர் விளாடிமிர் புடின் அறிவித்துள்ளார்.
ரஷ்யாவின் பிரதமராக முன்னர் பொறுப்பு வகித்த விளாடிமிர் புடின், கடந்த 2012-ம் ஆண்டு நடைபெற்ற அதிபர் தேர்தலில் போட்டியிட்டு வெற்றி பெற்றார். அவரது 6 ஆண்டு பதவிக்காலம் வரும் மே மாதத்துடன் நிறைவடையவுள்ள நிலையில், அடுத்த ஆண்டு நடைபெறும் தேர்தலில் மீண்டும் போட்டியிடப் போவதாக அறிவித்துள்ளார். வோல்கா நகரத்தில் உள்ள பிரபல கார் தொழிற்சாலை ஊழியர்கள் மத்தியில் உரையாற்றியபோது தனது விருப்பத்தை அவர் தெரிவித்தார். எதிர்வரும் தேர்தலில் விளாடிமிர் புடினின் வெற்றிபெற்று அதிபரானால், வரும் 2024-ம் ஆண்டுக்குள் ரஷ்யாவில் பல்வேறு திருப்பங்கள் நிகழ வாய்ப்புள்ளதாக கருதப்படுகிறது.