அமெரிக்காவின் மன்ஹாட்டன் பகுதியில் மர்ம நபர் கண்மூடித்தனமாக துப்பாக்கியால் சுட்டுத்தாக்கியதில் 8 பேர் உயிரிழந்தனர். பலர் படுகாயமடைந்தனர். துப்பாகிச்சூடு நடத்தியவரை காவல்துறையினர் சுட்டுப் பிடித்துள்ளனர்.

அமெரிக்காவின் லோயர் மன்ஹாட்டன் பகுதியில் மேற்கு நெடுஞ்சாலையில் லாரி ஒன்றை வேகமாக ஓட்டி வந்த மர்ம நபர் ஒருவர்பாதையில் நடந்து கொண்டிருந்த மக்கள் மீது துப்பாக்கியால்சரமாரியாக சுட தொடங்கினார். இந்த திடீர் துப்பாக்கி சூட்டில் 8 பேர் பலியானதாக முதல் கட்ட தகவல்கள் தெரிவிக்கின்றன. மேலும், பலர் படுகாயம் அடைந்துள்ளனர்.

இதுதொடர்பாக தகவலறிந்த போலீசார், சம்பவ இடத்துக்கு விரைந்து வந்து துப்பாக்கி சூடு நடத்திய ஆசாமியை சுட்டுப் பிடித்தனர். வயிற்றில் குண்டு பாய்ந்த நிலையில் அவர் சிகிச்சை பெற்று வருகிறார். இந்த தாக்குதல் ஐரோப்பாவில் நடக்கும் பயங்கரவாத தாகுதலைப் போன்றது என காவல்துறையினர் தெரித்துள்ளனர்.

அமெரிக்காவில் சமீப காலமாக தீவிரவாத அமைப்பினர் வாகனங்களில் வந்து அப்பாவி மக்கள் மீது ஏற்றியும், துப்பாக்கியால் சுட்டும் தாக்குதல் நடத்துவது அதிகரித்து வருகிறது என்பது குறிப்பிடத்தக்கது.