சீனாவில் யங்கோ என்ற நாட்டுப்புற நடனத்தை ஒரே நேரத்தில் 11,919 பேர் ஆடி கின்னஸ் சாதனை படைத்துள்ளனர்
Oct 3 2017 5:56PM
எழுத்தின் அளவு:
அ +
அ -
அ
சீனாவில், சுற்றுலாத்துறையை மேம்படுத்த ஆண்டுதோறும் நாட்டுப்புற திருவிழா நடத்தப்படுவது வழக்கம். இந்நிலையில், இந்த ஆண்டு நாட்டுப்புற திருவிழா, கடந்த சில தினங்களாக சீனாவில் களைகட்டியுள்ளது. ஜிலின் மாகாணம் துன்ஹுவா நகரில் யங்கோ என்ற நாட்டுப்புற நடன நிகழ்ச்சி அரங்கேற்றப்பட்டது. திறந்தவெளியில் நடந்த இந்நிகழ்ச்சியில் பல்வேறு வண்ணங்களில் உடையணிந்த கலைஞர்கள், பாரம்பரிய யங்கோ நடனமாடி கின்னஸ் உலக சாதனை படைத்தனர். ஒரே நேரத்தில், 11,919 கலைஞர்கள், யங்கோ நடனமாடியது, கின்னஸ் உலக சாதனையாக, அதிகாரப்பூர்வமாக அறிவிக்கப்பட்டது. இதனை ஏராளமான மக்கள் ஆரவாரத்துடன் கண்டு களித்தனர். யங்கோ நடனவிழாவில் இடம்பெற்ற சீன பாரம்பரிய அடையாளமான டிராகன் உள்ளிட்ட அம்சங்களும் நிகழ்ச்சியை மேலும் கலையூட்டின.