நைஜீரியா நாட்டில் 3 பெண் தீவிரவாதிகள் நடத்திய தற்கொலைப்படைத் தாக்குதல் : 30 பேர் உயிரிழப்பு
Aug 16 2017 1:17PM
எழுத்தின் அளவு:
அ +
அ -
அ
நைஜீரியா நாட்டில் 3 பெண் தீவிரவாதிகள் நடத்திய தற்கொலைப்படைத் தாக்குதலில் 30 பேர் உயிரிழந்தனர்.
ஆப்பிரிக்க நாடான நைஜீரியாவில், 'போகோ ஹரம்' என்ற பயங்கரவாத அமைப்பு, அடுத்தடுத்து பல்வேறு தாக்குதல்களை நடத்திவருகிறது. பள்ளிச் சிறுமிகள் கடத்தல், கிராமங்களைப் பிடித்துவைத்து மிரட்டுவது போன்ற மிக மோசமான செயல்களில் ஈடுபட்டு உலகிற்கு அச்சுறுத்தலாக இருந்து வருகிறது. இந்நிலையில், நைஜீரியாவின் வடகிழக்குப் பகுதியான மைதுகுரி நகரின் அருகேயுள்ள கோண்டுகா கிராமத்தில், போகோ ஹரம் இயக்கத்தைச் சேர்ந்த 3 பெண் தற்கொலைப்படை பயங்கரவாதிகள், எதிர்பாராத விதமாக தாக்குதல் நடத்தினர். தங்கள் உடலில் கட்டிவந்திருந்த வெடிகுண்டுகளை வெடிக்கச் செய்ததில் 30 பேர் சம்பவ இடத்திலேயே பலியானார்கள். படுகாயம் அடைந்த 83 பேர் மருத்துவமனையில் அனுமதிக்கப்பட்டுள்ளனர். இந்த சம்பவம் நைஜிரியாவில் பரபரப்பை ஏற்படுத்தியுள்ளது.