அமெரிக்க அதிபரின் உதவியாளரான Kenneth Juster இந்தியாவுக்கான புதிய அமெரிக்க தூதராக நியமிக்கப்பட்டிருக்கிறார். அமெரிக்க செனட் சபை ஒப்புதல் அளித்த பின்னர் அவர் பதவியேற்றுக்கொள்கிறார்.

அமெரிக்க அதிபர் டெனால்டு டிரம்ப் அமைச்சரவையில் சர்வதேச பொருளாதார விவகாரங்களுக்கான துணை உதவியாளராக பணிபுரிந்து வரும் 62 வயதான Kenneth Juster இந்தியாவுக்கான புதிய அமெரிக்க தூதராக நியமிக்கப்பட்டுள்ளார். இதுவரை, அமெரிக்க தூதராக இருந்து வந்த ரிச்சர்டு வெர்மாவுக்கு பதிலாக அவர் நியமனம் செய்யப்பட்டுள்ளார். அவரது நியமனத்தை அமெரிக்க செனட் சபை ஏற்றுக்கொண்டு ஒப்புதல் அளித்த பின்னர் அவர் பதவியேற்றுக்கொள்ளவிருக்கிறார். இதுதொடர்பாக அமெரிக்க அதிபர் மாளிகை வெளியிட்டுள்ள அறிக்கையில், Kenneth இந்தியாவைப் பற்றி நன்கு அறிந்தவர் என்றும், இருதரப்பு உறவுகளை மேம்படுத்தும் பேச்சுவார்த்தைகளில் முக்கிய பங்காற்றியவர் என்றும் குறிப்பிடப்பட்டுள்ளது. எனினும், புதிய தூதர் நியமனம் குறித்து அதிகாரப்பூர்வ அறிவிப்பு இன்னும் வெளியிடப்படவில்லை.