கலிபோர்னியாவில் ஆஸ்கர் விருது வழங்கும் நிகழ்ச்சிக்கான ஏற்பாடுகள் சிறப்பாக நடைபெற்று வருகிறது. விருந்துக்கு பரிந்துரைக்கப்பட்டுள்ள திரைப்படங்களின் இயக்குனர்கள் உற்சாகத்துடன் இவ்விழாவை எதிர்நோக்கியுள்ளனர்.

அமெரிக்காவின் கலிபோர்னியா மாகாணத்தில் உள்ள Beverly Hills நகரில் வரும் 26-ஆம் தேதி 89-வது ஆஸ்கர் விருது வழங்கும் நிகழ்ச்சி வெகு சிறப்பாக நடைபெறவுள்ளது. இதற்கான ஏற்பாடுகள் அங்கு துரிதமாக நடைபெற்று வருகிறது. விழாவில் கலந்து கொள்ளவிருக்கும் விருந்தினர்கள் அணியும் ஆடை மற்றும் ஆபரணங்கள் வடிவமைக்கப்பட்டு காட்சிக்கு வைக்கப்பட்டுளன. இந்த ஆபரங்கள் வைக்கப்பட்டுள்ள அரங்குகள் பல்வேறு நிறுவனங்களின் சார்பில் அமைக்கப்பட்டுள்ளது. இது பார்வையாளர்களை வெகுவாக கவர்ந்துள்ளது. மேலும் விழா அரங்குகள் வடிவமைக்கும் பணிகளும் பிரம்மாண்டமாக நடைபெற்றுவருகின்றன. விருதுக்கு பரிந்துரைக்கப்பட்டுள்ள பல்வேறு வகையான திரைப்படங்களின் நடிகர்கள் மற்றும் இயக்குனர்கள் இந்த விழாவை ஆர்வமுடன் எதிர் நோக்கியுள்ளனர். இந்த ஆண்டு சிறந்த அனிமேஷன் திரைப்படத்துக்கான விருதுக்கு Moana, Zootopia, My Life as a Zucchini உள்ளிட்ட திரைப்படங்கள் பரிந்துரைக்கப்பட்டுள்ளன. இதேபோன்று Lucas Hedges, Mahershala Ali மற்றும் Dev Patel ஆகியோர் சிறந்த துணை நடிகருக்கான விருதுக்கும் பரிந்துரைக்கப்பட்டுள்ளனர். கருப்பின பெண்களின் வரலாறை மையமாக வைத்து தயாரிக்கப்பட்ட Hidden Figures சிறந்த திரைப்படத்துக்கான விருதுக்கு பரிந்துரைக்கப்பட்டுள்ளது.