வின்வெளி ஆய்வு நிறுவனமான நாசா இன்று ஒரு முக்கியமான தகவலை வெளியிடப்போவதாக அறிவித்துள்ளது. இதற்காக செய்தியாளர்கள் சந்திப்புக்கு அழைப்புவிடுத்துள்ளது.

சூரியக் குடும்பத்துக்கு வெளியே உள்ள கோள்களைப் பற்றிய புதிய கண்டுபிடிப்பு விவரங்களை நாசா, இந்திய நேரப்படி இன்று இரவு 11.30 மணிக்கு வெளியிட உள்ளது. இதில், நாசா அறிவிக்கப்போகும் புதிய கண்டுபிடிப்புகள் 'நேச்சர்' இதழிலும் வெளியாகவுள்ளன. இதனால், விண்வெளி ஆர்வலர்களிடையே உற்சாகம் தொற்றிக்கொண்டுள்ளது.

வாஷிங்டன் நகரில் உள்ள நாசா தலைமை அலுவலகத்தில் நடைபெறவுள்ள இந்த செய்தியாளர்கள் சந்தப்பில், நாசாவின் முக்கிய விண்வெளி ஆராய்ச்சியாளர்கள் மற்றும் பத்திரிகையாளர்கள் பங்கேற்க உள்ளனர். முன் அனுமதிபெற்ற ஊடகங்களுக்கு மட்டுமே அனுமதியளிக்கப்படும் என்றும் தெரிவிக்கப்பட்டுள்ளது. இந்த சந்திப்பை NASA Tv - யில் நேரடியாக ஒளிபரப்பவுள்ளனர். www.nasa.gov/nasatv என்ற இணைய முகவரியில், கருத்தரங்கம் தொடர்பான வீடியோ பதிவுகளைத் தரவிறக்கம்செய்து கொள்ள முடியும். பொதுமக்கள் மற்றும் ஊடகங்கள் ட்விட்டரில் askNASA என்ற ஹேஷ்டேக் மூலம் கேள்வி கேட்பதற்கான ஏற்பாடுகளையும் செய்துள்ளனர்.