45வது அமெரிக்க அதிபராக டொனால்ட் ட்ரம்ப் இன்று பதவியேற்க உள்ள நிலையில், முன்னாள் அதிபர் ஒபாமா குடும்பத்தினர் வெள்ளை மாளிகையை விட்டு வெளியேறுகின்றனர்.

அமெரிக்காவின் புதிய அதிபராக இன்று டொனால்ட் ட்ரம்ப் பதவியேற்க உள்ள நிலையில், முன்னாள் அதிபர் ஒபாமா வெள்ளை மாளிகையை விட்டு தனது குடும்பத்தினருடன் இன்று வெளியேறுகிறார். கடந்த 8 ஆண்டுகளாக அமெரிக்க அதிபராக பதவி வகித்து வந்த ஒபாமா மற்றும் அவரது குடும்பத்தினர், வெள்ளை மாளிகையில் வசித்து வந்தனர். இன்று நடைபெறும் அதிபர் பதவியேற்பு நிகழ்ச்சிக்குப் பிறகு டொனால்ட் ட்ரம்ப் தனது குடும்பத்தினருடன் வெள்ளை மாளிகைக்கு செல்ல உள்ளார். இறுதி நாளான இன்று முன்னாள் அதிபர் ஒபாமாவின் மனைவி மிச்செல் ஒபாமா வெள்ளை மாளிகையை கடைசி முறையாக சுற்றிபார்க்கும் காட்சி வெளியிடப்பட்டுள்ளது. இதில் மிச்செல் ஒபாமா வெள்ளை மாளிகையை தனது வளர்ப்பு நாய்களுடன் மறக்க முடியாத நினைவுகளுடன் சுற்றிப்பார்த்த காட்சி நெகிழ்ச்சியடையச் செய்யும் விதமாக அமைந்துள்ளது.