நியூயார்க்கில் நடைபெற்ற ஏல நிகழ்ச்சி ஒன்றில், பிரபல குத்துச்சண்டை வீரர் முகம்மது அலிக்கு, கியூப அதிபர் ஃபிடல்காஸ்ட்ரோ பரிசளித்த சுருட்டு பெட்டி உள்ளிட்ட பல்வேறு பொருட்கள் ஏலம் விடப்பட்டன
Dec 2 2016 2:25PM
எழுத்தின் அளவு:
அ +
அ -
அ
அமெரிக்காவின் நியூயார்க்கில், ஜூலியன் நிறுவனம் நடத்தும் ஏல நிகழ்ச்சியில், பிரபல விளையாட்டு வீரர்கள் பயன்படுத்திய பொருட்கள் ஏலம் விடப்பட்டன. பிரபல குத்துச்சண்டை வீரர் முகம்மது அலியின் பிரத்யேக புகைப்பட நிபுணர் பயன்படுத்திய கேமரா, 1970ம் ஆண்டு அமெரிக்காவின் மாடிசன் சதுக்கத்தில் நடைபெற்ற குத்துச்சண்டை போட்டியில், முகம்மது அலி Oscar Bonavena-வை வென்றபோது பயன்படுத்திய கையுறைகள், கியூப அதிபர் ஃபிடல் காஸ்ட்ரோ, முகம்மது அலிக்கு பரிசளித்த சுருட்டுப் பெட்டி, முகம்மதுஅலி பயன்படுத்திய, அவரது கையொப்பமிடப்பட்ட விளையாட்டு பாதுகாப்பு உபகரணம் போன்றவை இந்த நிகழ்ச்சியில் ஏலம் விடப்பட்டன. இதேபோல் பிரபல கால்பந்து வீரர் பீலே 1971ம் ஆண்டு சாண்டோஸ் செல்சியா அணிக்கு எதிராக விளையாடிய பொழுது அணிந்திருந்த சட்டை மற்றும் 2005ம் ஆண்டு முதல் 2010ம் ஆண்டு வரை பீலே பயன்படுத்திய அவரது தனிப்பட்ட பாஸ்போர்ட் போன்றவையும் ஏலம் விடப்பட்டன. நாளை கலிஃபோர்னியா, லாஸ் ஏஞ்சலீஸ் மாகாணங்களில் நடைபெற உள்ள ஏல நிகழ்ச்சியில் இதுபோன்ற 500க்கும் மேற்பட்ட பல்வேறு விளையாட்டு வீரர்கள் பயன்படுத்திய பொருட்கள் ஏலம் விடப்பட உள்ளன.